भोजपुर । क्याम्पस प्रशासन तथा विभिन्न सहयोगी संघसंस्था आर्थिक सहयोगमा भोजपुर बहुमुखी क्याम्पसलाई फ्रि वाइफाई जडान गरिएको छ। नेपाल टेलिकमको अप्टिकल फाबरको वाईफाई जडान गरिएपछि क्याम्पसलाई फ्रि वाईफाई जोन घोषणा गरिएको छ ।
सरस्वती पुजाको अवसर पारेर उद्घाटन गरिएको उक्त फ्रि वाईफाई ईन्टरनेट जडान गरिएपछि अध्ययन अध्यापनसंगै दैनिकजसो प्रशासनिक गतिविधि सञ्चालन गर्न सहज भएको सहायक क्याम्पस प्रमुख उत्तम सिं राईले जानकारी दिए ।
स्वतन्त्र विद्यार्थी युनियन स्ववियुको सक्रियातामा भोजपुरे हातेमालो समाज बहराइनको २३ हजार १ सय ५०, नेपाल बैंक भोजपुर शाखाको १५ हजार र क्याम्पस विकास कोषको २० हजार गरि कुल ५८ हजार ९ सय ५० रूपैयाँ लगानीमा उक्त वाईफाई ईन्टरनेट जडान गरिएकोे स्ववियु सभापति प्रकाश सिं राईले जानकारी दिए ।
