भोजपुर । प्रदेश नं १ का मुख्यमन्त्री शेरधन राईलाई नेपाल कम्युनिष्ट पार्टी (नेकपा)को प्रचण्ड–नेपाल समूहले संसदीय दलमा नरहने गरि नेताबाट हटाएको छ । बिहीबार बसेको उक्त समुहका प्रदेशसभा सदस्यहरुले राईलाई नेताबाट हटाएका हुन् ।
मुख्यमन्त्री राईलाई हटाए लगत्तै नेकपाको प्रदेश १ को संसदीय दलको नेतामा भीम आचार्यलाई चयन गरिएको छ । प्रदेशसभाका ४० जना सांसद्हरूले संसदीय दलको नेताबाट हटाएका हुन् । प्रदेशसभाका सांसद् इन्द्र आङ्बोले राईलाई संसदीय दलको नेताबाट हटाइएको जानकारी दिए । ’संसदीय दल र प्रदेशसभामा अविश्वासको प्रस्ताव दर्ता भइसकेपछि फेस गर्नुको सट्टा सांसद्लाई स्पष्टीकरण लिने, प्रलोभन र धम्की दिने कामलाई निरन्तरता दिनुभयो । त्यसैले हामीले संसदीय दलको नेताबाट हटाएर भीम आचार्यलाई चयन गरेका छौं,’ आङ्बोले भने ।
यसअघि नै राई विरुद्ध अविश्वासको प्रस्ताव दर्ता भइसकेको छ। उनी केपी ओली पक्षका नेता हुन् ।
प्रचण्ड(नेपाल पक्षले मुख्यमन्त्री राई विरुद्ध अविश्वासको प्रस्ताव दर्ता गर्दा आचार्यलाई भावी मुख्यमन्त्रीमा प्रस्ताव गरेको थियो । नेकपाका ६७ प्रदेशसभा सदस्यमध्ये ३७ जनाले अविश्वास प्रस्तावमा हस्ताक्षर गरेका थिए ।
बागमती प्रदेशका मुख्यमन्त्री डोरमणि पौडेलविरुद्ध पनि अविश्वास प्रस्ताव दर्ता भएको छ । उनलाई पनि बुधबार संसदीय दलको नेताबाट हटाउँदै अष्टलक्ष्मी शाक्यलाई चयन गरिएको छ ।

The post मुख्यमन्त्री शेरधन राईलाई प्रचण्ड नेपाल समुहले संसदीय दलबाट हटाए appeared first on silichung.com.

भोजपुर । प्रधानमन्त्री केपी शर्मा ओलीको संसद विघटनको विरोधमा प्रचण्ड–नेपाल समुहको नेकपाले भोजपुरमा विशाल विरोधसभा गरेको छ । ओलीको संवैधानिक ‘कु’ को घोर भत्र्सना गर्दै प्रचण्ड–नेपाल समुहले देशभर विरोध प्रदर्शन गर्ने कार्यक्रमअन्र्तगत भोजपुरमा पनि विशाल जनप्रदर्शन गरेको छ ।

ओलीको संवैधानिक ‘कु’ को चर्को विरोध गर्दै भोजपुरमा प्रचण्ड–नेपाल समुहको शक्ति प्रदर्शन

गाउँगाउँबाट ¥यालीमा सहभागी प्रचण्ड–नेपाल पक्षका प्रदर्शनकारी सहभागितामा नेकपाको विशाल जनप्रदर्शनले भोजपुर सदरमुकाम तताएको थियो । ‘ओलीको यो पाराले दुख पाए साराले, प्रतिगमन मुर्दावाद, तानाशाह मुर्दावाद, फाँसीवाद मुर्दावाद, सर्वसत्तावाद मुर्दावाद’ जस्ता नाराबाजी सहित विरोध ¥याली निकालिएको थियो । सयौँ बाईक ¥यालीसहित निक्लेको जनप्रदर्शन सदरमुकामको जिरोप्वाईन्ट, बैंकरोड, चारभञ्ज्याङ परिक्रमा गर्दै शहिदपार्कमा आएर कोणसभामा परिणत भएको थियो ।
¥यालीमा केन्द्रिय नेतासहित प्रदेश, जिल्ला ईन्चार्जदेखि नगर, गाउँ, वडा कमिटीका कार्यकर्तासम्म भेला भएका थिए । विरोध ¥यालीमा संघिय सांसद एवम् नेकपा भोजपुरका ईन्चार्ज सुदन किँराती, नेकपा केन्द्रिय सदस्य एवम् नेकपा भोजपुरका सह–ईन्चार्ज हरिबहादुर राई, नेकपा प्रदेश कमिटी सदस्यहरु राजेश खतिवडा, रमेश शाक्य, विमल खड्का, नेकपा भोजपुर संगठन विभाग प्रमुख सचिव शरणकुमार राई लगायतको उपस्थिती थियो ।
ओलीको असंवैधानिक निरकुंश कदमप्रति गहिरो निन्दा गर्दै नेकपा केन्द्रिय सदस्य एवम् नेकपा भोजपुरका सह–ईन्चार्ज हरिबहादुर राई संसद विघटन अलोकतान्त्रिक, अमर्यादित र जघन्य राजनीतिक अपराध भएको जिकिर गरे । प्रधानमन्त्री ओली निरंकुश शासक बनेको उनले आरोप लगाए ।
यस्तै संघिय सांसद एवम् नेकपा भोजपुरका ईन्चार्ज सुदन किँरातीले जनताको जनमतको कदर नगर्ने र भ्रष्टहरुको साथमा असंवैधानिक कदम उठाउने प्रधानमन्त्री ओली र राष्ट्रपतिलाई जनताले माफी नदिने बताए । किँरातीले भने, ‘प्रधानमन्त्री ओलीको गलत कदमविरुद्ध हामी सडकमा आएका हौं, राष्ट्रलाई घात हुने किसीमका ओलीका कदमहरु हामीलाई मान्य हुने छैन’

The post ओलीको संवैधानिक ‘कु’ विरुद्ध भोजपुरमा नेकपाको विशाल जनप्रदर्शन (फोटोफिचरसहित) appeared first on silichung.com.