लन्डन । प्रत्येक बर्ष वितरण हुँदै आएको पहिचान पुरस्कार कोषले यस बर्ष ‘पहिचान सम्मान’ दिने भएको छ ।प्रत्येक पाँच बर्षमा पुरस्कार कोषले पहिचान सम्मान दिदै आएको छ ।
पहिचान पुरस्कार कोषले यसपटक वि.सं. २०८१/२०८२ को पहिचान सम्मान साहित्यकार, मुन्धुमविद एवम् नेपाल प्रज्ञा प्रतिष्ठानका पूर्व कुलपति श्री बैरागी काइँलालाई नगद ५ लाख २ हजार दुई सय र ताम्रापत्र सहित पहिचान सम्मान प्रदान गर्ने भएको हो । त्यसैगरी पहिचानको आन्दोलन र लेखनबाट पहिचानमा योगदान दिदै आएका गणेश कुमार राईलाई ५० हजार २ सय दुई रूपैया र ताम्रापत्र सहित प्रदान गरिने पहिचान पुरस्कार कोषले प्रेस विज्ञप्ति मार्फत जनाएको छ ।
यसभन्दा अघि लेखक तथा राजनीतिक विश्लेषक खगेन्द्र संग्रौलालाई पहिचान सम्मान प्रदान गरिसकेको छ ।यसैगरी राजन मुकारुङको फेरिदो सौंन्दर्य, अर्जुन खालिङको गोयङको सुगन्ध, यज्ञशको भुइया, उन्मुक्त पुस्ताकोआफर र सरस्वती प्रतिक्षाको नथिया, श्याम शाहको पथेर र अनन्त वाग्लेको कदम, कविता राईको गुरु र अर्जुनमाबुहाङ, अमित थेवेको सिरिजङ्गा, फाल्गुनन्द र इमानसिंह चेम्जोङका लेखोट, प्रगती राईको थाङ्ग्रा र प्रकाश गुरागाईंको जङ्क्सन पिपलबोट नयाँ सडकको कथा र राजु स्याङ्तानको ओ पेङ्दोर्जेलाई पहिचान पुरस्कार प्रदान गरिसकेको छ ।
निरन्तर चार वर्ष पहिचान पुरस्कार दिने गर्दछ भने प्रत्येक पाँच वर्षमा पहिचान सम्मान दिदै आएको छ । ४० वर्षमुनिका युवाहरुलाई पहिचान युवा सम्मान यस वर्षदेखि दिन घोषणा गरिएको पहिचान पुरस्कार कोषका संस्थापक नरेश काङमाङले बताए ।
