भोजपुर । भोजपुर हातोमालो समाज युएईले जिल्लाका विद्यालय तथा स्वास्थ्य संस्थालाई सामाग्री हस्तान्तरण गरेका छन् । समाजले मंगलबार एक कार्यक्रमका वीच समाग्री हस्तान्तरण गरेको हो ।
टेम्केमैयुङ्ग गाउँपालिका–५ साविकको खावालाई २ ओटा स्टेचर, सोही ठाउँमा रहेको जनता प्राथमिक विद्यालय खेलकुद सामग्री हस्तान्तरण गरेको छ । त्यस्तै खावाकै महेन्द्र निमावी र साकेला प्राथमिक विद्यालयलाई खेलकुद सामग्री हस्तान्तरण गरेको समाजका सल्लाहकार तीर्थ योञ्जनले बताए । त्यस्तै गरि अरुण गाउँपालिकामा रहेका प्याउली स्वास्थ्य चौकीलाई ह्वील चियर र षडानन्द नगरपालिका –१० मा रहेको शारदा प्राथमिक विद्यालयलाई ५ ओटा ह्वाइटवोर्ड तथा खेलकुद समाग्री प्रदान गर्ने योञ्जनले बताए । त्यसैगरी खावाका साङछोलिङ्ग गुम्वालाई सोलर सेट प्रदान गरिएको छ ।
