भोजपुर । भोजपुर सदरमुकामको जिल्ला प्रहरी कार्यालय नजिकै एक घरमा आगालागी भएको छ । भोजपुर नगरपालीका वडा नं. ७ का गोविन्द सुन्दासको घरमा आगालागी भएको हो । घरको वीच तलमा विजुलीको तार सर्ट भई आगो लागेको जिल्ला प्रहरी कार्यलयका प्रहरी उपरिक्ष चरित्र विक्रम कार्कीले बताए ।
आगालागीबाट नगद, सुन तथा लत्ताकपडा जल्दा १४ लाख बराबरकाे क्षति भएकाे कार्कीले जानकारी दिए । आगालागी सूरु भएको एक घण्टा भित्रमा स्थानीय, आमी, प्रहरी र दम्कलको सहायताले आगो नियन्त्रणमा लिएको छ ।
