लन्डन । आगामी २१ फागुनमा हुने प्रतिनिधिसभा निर्वाचनका लागि दलहरूले समानुपातिक उम्मेदवारहरुकोनामावली निर्वाचन आयोगमा बुझाएका छन् । निर्वाचनका लागि आइतबार र सोमबार समानुपातिकको बन्दसूचीबुझाउनुपर्ने समय थियो । सोहीअनुसार ६४ वटा दलले समानुपातिकतर्फको बन्दसूची पेस गरेका छन ।
हालै माओवादी, एकीकृत समाजवादी सहित साना कम्युनिष्ट घटकहरू सहित एकीकृत भएका पार्टी नेकपाले बुझाएको बन्दसूचीमा गोर्खा अभियान्ता कृष्णकुमार राईको नाम पनि समानुपातिकको बन्दसुचीमा समावेश भएको छ ।
गोर्खा भूतपूर्व सैनिक संघ (गेसो)का सभापति समेत रहेका राई नेकपा माओवादीको प्रवास संगठन जनप्रगतिशिल मन्च यूकेका सल्लाहकार समेत हुन ।
राई तीन दशकदेखि ब्रिट्रिस भूतपुर्व गोर्खा सैनिकहरूको बिभेद अन्त्यका लागि भईरहेको समानताको आन्दोलनको मोर्चामा निरन्तर रूपमा लाग्दै आएका व्यत्तिभित्र पर्छन । पार्टीले राईको नाम समानुपातिकको बन्दसुचीमा राखेपछि जनप्रगतिशिल मन्च यूकेले खुसी साथै पार्टी नेतृत्वप्रति धन्यवाद ब्यत्त गरेको छ । प्रवासमा रहेका समग्र नेपालीहरूको भावना र प्रतिनिधित्वलाई पार्टी र नेतृत्वले सम्मान र न्याय गरेको जनप्रगतिशिल मन्च युकेका अध्यक्ष बिमला लिम्बुले बताईन ।
राई हाल नेकपाका केन्द्रीय सदस्य समेत हुन ।
