काठमाडौँ । फिफा विश्वकप २०२६ अन्तर्गत आज भएको एकपक्षीय खेलमा स्विडेनलाई सहजै पराजित गर्दै फ्रान्स प्रतियोगिताको अन्तिम १६ (नकटआउट चरण) मा प्रवेश गरेको छ।

अमेरिकाको न्यूयोर्कस्थित न्यूजर्सी रङ्गशालामा भएको खेलमा उपाधि दाबेदार फ्रान्सले स्विडेनमाथि ३–० गोलअन्तरको शानदार जित दर्ता गर्‍यो।

किलियन एम्बाप्पे र बारकोला चम्किए

खेलको सुरुवातदेखि नै स्विडेनलाई दबाबमा राखेको फ्रान्सले पहिलो हाफको अन्तिम समयमा अग्रता लियो। स्टार स्ट्राइकर किलियन एम्बाप्पेले खेलको ४५औँ मिनेटमा गोल गर्दै टोलीलाई १–० को अग्रता दिलाए।

दोस्रो हाफमा फ्रान्स अझ आक्रामक रूपमा प्रस्तुत भयो। खेलको ५३औँ मिनेटमा ब्राडली बारकोलाले उत्कृष्ट गोल गर्दै फ्रान्सको अग्रता दोब्बर बनाए। त्यसपछि खेलको ७४औँ मिनेटमा एम्बाप्पेले व्यक्तिगत दोस्रो गोल गरेपछि फ्रान्सले ३–० को सुनिश्चित जितसहित अन्तिम १६ को यात्रा तय गर्‍यो।

अन्तिम १६ को समीकरण:

अब अर्को चरणमा फ्रान्सले क्वार्टरफाइनल प्रवेशका लागि पाराग्वेको सामना गर्नेछ।

विश्वकपका अन्य खेलहरूको अपडेट:

• नर्वे पनि अन्तिम १६ मा: यसअघि गत राति भएको अन्तिम–३२ को अर्को रोमान्चक खेलमा स्टार स्ट्राइकर एर्लिङ हल्याण्डको निर्णायक गोलको मद्दतले नर्वेले आइभरी कोस्टलाई २–१ गोलअन्तरले पराजित गर्दै अन्तिम १६ मा स्थान सुरक्षित गरिसकेको छ। अब नर्वेले ब्राजिलको सामना गर्नेछ।

• आजको अर्को भिडन्त: विश्वकप अन्तर्गत नै आज बिहान ६:४५ बजेदेखि मेक्सिको र इक्वेडोर बीच अर्को रोचक प्रतिस्पर्धा हुँदैछ।