भोजपुर । स्थापन दिवसको अवसरमा पत्रकार केशरबहादुर राई सम्मानित भएका छन् । किराँत राई पत्रकार संघले ११ औ स्थापना दिवसको अवसरमा राईलाई सम्मान गरेको हो ।
राईले पत्रकारिता क्षेत्रबाट योगदान दिएकाले सम्मान गरिएको किराँत पत्रकार संघ भोजपुरका सचिव छिवाबुङ्गवाली राईले बताए । संस्थाको नयाँ कार्यसमिति गठन भएपछि औपचारिक रुपमा यो पहिलो कार्यक्रम भएको र पहिलो कार्यक्रममा नै अग्रजलाई सम्मान गर्न पाउँदा हर्षित भएको सचिव राईले बताए ।
फ्याक्स, हुलाकबाट समाचार पठाएर हामीले पत्रकारिताबाट शुरु गरेका थियौ, त्यस समयमा समाचार पठाउन र पत्रिका छापिन पनि समय लाग्थ्यो सम्मानपछि राईले भने । पछिल्लो समयमा आएपछि पत्रकारिता सहज भएको छ, राईले भने ।
केशरबहादुर राई नेपाल पत्रकार महासंघ भोजपुरका संस्थापक सदस्य हुन । कार्यक्रमम किराँत राई यायोख्खाका केन्द्रिय सदस्य मात्रिका राईकाे प्रमुख आतिथ्यमा भएको थियो ।
