म्युजिक भिडियो तथा विज्ञापन फिल्ममा बाक्लै देखिने गर्छिन् पूर्व मिस नेपाल उषा खड्गी । म्युजिक भिडियो चर्चाका लागि र विज्ञापन आम्दानीको लागि अभिनय गर्दै आएको उनी बताउँछिन् । उषापछि मिस नेपाल विजेता बनेका थुप्रै ब्यक्ति फिल्म अभिनयमा देखिएका छन् ।
उनले भने अहिलेसम्म एक फिल्म पनि खेलेकी छैनन् । उनलाई फिल्म अभिनय नमिलेको भने होइन । अफरहरु मिल्ने गरेका छन् । फिल्ममा नारीको सशक्त भूमिका नपाएकोले फिल्म अभिनयमा मन मरेको उनले बताइन् ।
‘मिस नेपाल जितेको बेला धेरै र अहिले पनि केही फिल्मको अफर आउने गरेका छन्’ उषाले रातोपाटीसँग भनिन्, ‘मलाई जति पनि फिल्मका अफर आए, ती फिल्मको स्क्रिप्टमा नारीको भूमिका थोरै थियो । त्यसैले पनि फिल्म अभिनयलाई महत्व दिइन ।’
