बलिउड अभिनेता गोविन्दा र उनकी पत्नी सुनीता आहुजाबिच सम्बन्ध विच्छेदको हल्ला चलिरहेका बेला उनीहरू गणेश चतुर्थीको अवसरमा सँगै देखिएका छन्।
सो अवसरमा मिडियासँग कुरा गर्दै सुनीताले भनिन्, ‘यदि केही भएको भए हामी आज यति नजिकै हुने थिएनौँ। मेरो गोविन्दा केवल मेरो हो, कसैको होइन। जबसम्म हामी आफैँले केही नभनेसम्म कृपया यस्ता कुरा नगर्नुहोस्।”
त्यस्तै गोविन्दाले भने, ‘जति पनि पाएको छु, आमा–बुबाको आशीर्वादले पाएको छु। जीवनमा नम्बर १ बन्न चाहिन्छ भने सधैँ आमा–बुबाको सेवा गर्नुपर्छ।”
गत अगस्ट २२ देखि गोविन्दा र सुनिताबिच सम्बन्ध विच्छेदको हल्ला चलेको थियो। केही मिडिया रिपोर्टअनुसार सुनीताले डिसेम्बर २०२४ मा बान्द्रा फ्यामिली कोर्टमा केस दायर गरेको दाबी गरिएको थियो।
तर गोविन्दाका म्यानेजर, वकिल र छोरी टिनाले पनि यो सबैलाई हल्ला मात्रै भन्दै खारेज गरेका थिए।
