पोखरा । पोखरा महानगरपालिका वडा नम्बर ३३ बागमारामा गएराती अनौठो चोरी भएको छ। एक घण्टा भित्रमा चोरहरुको समुहले बागमाराका ७ वटा घरमा चोरी गरेको हो। घर मात्रै होइन, उनीहरुले सहकारी पनि बाँकी राखेनन् । कतिपय घरका मानिस सुत्ने कोठामा बाहिरबाट चुक्कुल लगाएर अर्को कोठाका नगद र सुन चोरेको स्थानीयहरुले बताएका छन्।
राती करीब १२ – १ बजे तिरको समयमा चोर घर भित्र पसेको स्थानीय बताउँछन् । पोखरा महानगरपालिका भित्रै यसरी एकै रातमा आधा दर्जन बढी घरमा चोरी हुनुले यहाँको सुरक्षा ब्यबस्थाको बिषयमा प्रश्न खडा गरेको छ ।
