भोजपुर। प्रदेश तथा प्रतिनिधि सभा निर्बाचनमा बम पड्काएको आरोपमा नेपाल कम्युनिष्ट पार्टीका महासचिव नेत्रबिक्रम चन्द (विप्लव) सहित २० जना विरुद्ध लगाइएको मुद्धामा १६ जनाले सफाइ पाएका छन् ।
भोजपुर जिल्ला अदालतका न्यायाधीश हरिश्चन्द्र इङ्नामको एकल इजलासले नेकपाका महासचिव विप्लव, प्रवक्ता प्रकाण्ड, पोलिटव्यूरो सदस्य पदमबहादुर राईसहित १६ जनाले सफाइ पाएको हो ।
गत बर्ष सम्पन्न भएको प्रदेश तथा प्रतिनिधि सभा निर्वाचनमा महासचिव विप्लव र प्रवक्ता खड्गबहादुर विश्वकर्मा ‘प्रकाण्ड’ स्थायी कमिटी सदस्य धर्मेन्द्र बस्तोला पोलिट्ब्युरो सदस्य पदमबहादुर राई समेतलाई २० जनालाई जिल्लाको ३ ठाउँमा बम पड्काएको आरोपमा ज्यान मार्ने उद्योग, विष्फोटक पदार्थ र आगजनीको गरेको मुद्धा जिल्ला अदालत भोजपुरमा दायर भएको थियो ।
टेम्केमैयुङ गाउँपालिका–६, कोट गुम्बामा हालको प्रदेहश नं. १ का मुख्यमन्त्री शेरधन राई चढेको गाडीमा बम विष्फोट, साल्पासिलिछो गाउँपालिका–२, कुलुङको सहकारी टोलमा बाम गठबन्धनको चुनावी सभामा बम विष्फोट गरी २ वटा ज्यान मार्ने उद्योग र षडानन्द नगरपालिका–१३ भिरथाप्लामा भएको बम विष्फोट सम्बन्धी मुद्धा दायर भएकोले भोजपुर जिल्ला अदालतका न्यायाधीश हरिश्चन्द्र इङ्नामको एकल इजलासले उनीहरुलाई सफाइ दिएको छ भने दुई जनालाई धरौटीा लिईएको जिल्ला अदालत भोजपुरका सुचना अधिकारी राजकुमार दाहालले बताउनुभयो ।
सफाई पाउनेहरुमा वम विष्ट, जुद्ध बस्नेत, लक्ष्मी तामाङ, तिलक गुरुङ्ग, दिनेश अधिकारी, त्रिलोचन लोहर, गोपी विक, कुमार तामाङ लगायतका रहेका छन् । तयस्तै महेन्द्र तामाङ र प्रकाश गुरुङ्गलाई तीन वटै मुद्धामा ४०÷४० हजार जरिवाना लिएको सुचना अधिकारी दाहालले बताउनुभयो ।
त्यस्तै, नेकपाका स्थायी समिति सदस्य धर्मेन्द्र बास्तोला र किराती राष्टिय मुक्ति मोर्चाका अध्यक्ष मादेन किराँतीको ठेगान स्पष्ट नखुलेकोले तामेलीमा राखिएको जनाएको छ ।
केहि महिनाअघि मात्र नेकपा प्रवक्ता प्रकाण्ड सहितका नेताहरुलाई पक्राउ गरि भोजपुर ल्याइएको थियो । प्रकाण्डलाई ६० हजार नगद धरौटी राखेर छुटेका थिए ।
